قال الصحفي حسن فاروق إن ما يحدث في السودان تجاوز مرحلة الانهيار معبراً عن رفضه للأوصاف المتداولة لتوصيف حجم ما تشهده البلاد من تدهور في الأوضاع العامة والمعيشية.
وقال حسن فاروق المقيم في الخرطوم في منشور على صفحته بموقع «فيسبوك»: «قادر تتخيل إنه ما في أي شيء عشان تقول أنا عايش ما في دولة ما في حكومة البلد وقعت رب كده حتى لو حاولنا نلطفها ونقول انهيار لا، كضب القدامنا ده ما انهيار حتى ما بتلقى اسم توصفو بيهو».
وأضاف: «تحطيم أو تدمير أو تفكيك اي كلمة تجي في بالك عشان توصف بيها لا ما بتدي حجم للشيء الحاصل».
وانتقد فاروق في إشارة إلى حكومة بورتسودان ما وصفه بالمعاملة التي يتعرض لها السودانيون قائلاً: «الناس ديل مسكونا علقونا من كرعينا وبسلخوا فينا السلخ الواحد ده».
وتابع في منشوره: «بسلخوا فينا ونحن حيين ما في شيء ما قادر تقرأ ما قادر تتعالج ما قادر تتحرك حتى لو عندك شغل تمشي الشغل ما قادر تاكل ما قادر تشرب ما قادر تعيش».
وأردف قائلاً: «عايز تموت وحتى الموت ما قادر تموت تتعذب حتى لغاية ما تموت تموت بالعدم تموت بالجوع تموت وإنت ما قادر تقرا وإنت ما قادر تتعالج.. إنت ولا أي حاجة عندهم تموت بس» وقطع فاروق «تسقط تالت».
التعليقات مغلقة، ولكن تركبكس وبينغبكس مفتوحة.