سلطت الحقوقية السودانية حنان حسن، المقيمة في هولندا، الضوء على المفارقة بين واقع الخدمات واحترام كرامة الإنسان في المهجر، ومعاناة المواطنين اليومية في السودان، على خلفية انتشار مقاطع مصورة لمواطنين يقطعون مسافات طويلة سيراً على الأقدام بسبب انعدام وسائل المواصلات.
وقالت حسن، في منشور علي صفحتها «بفيسبوك»: «شفت فيديوهات لناس في السودان ماشين على أرجلهم مسافات طويلة بسبب انعدام المواصلات.. والله القلب يتقطع على حال البلد وعلى حال الناس».
وأضافت: «أنا هنا في هولندا بشوف المواصلات ماشية بالدقيقة والثانية، وبفكر في الفرق بين دولة بتحترم زمن الإنسان وكرامته، ودولة بقى فيها مجرد الوصول للشغل أو المستشفى أو البيت معاناة يومية».
وانتقدت حسن التشوه في الوعي لدى قطاعات تبرر تدهور الأوضاع العامة نكاية في خصومها السياسيين، في إشارة إلى قوى الحرية والتغيير.
وقالت في هذا السياق: «الأفدح من المعاناة دي في زول بكل وقاحة بقول ليك نحن عاجبنا الوضع ده بس الحرية والتغيير ما ترجع تحكمنا. من حقك تكره أي تنظيم سياسي، لكن لما تكون مستعد تقبل خراب وطن كامل عشان خصومك ما يحكموه، فدي ما قناعة سياسية.. دي كارثة في الوعي وانهيار في منظومة القيم».
وتابعت: «في ناس كراهيتهم لخصومهم أكبر من محبتهم لوطنهم، لدرجة بقوا يعتبروا عذاب شعب كامل انتصاراً سياسياً. تخيلوا حجم التشوه في الوعي البخلي زول يتصالح مع خراب وطن كامل فقط إرضاءً لكراهيته لخصم سياسي».
وأكدت أن انتقاد تجربة قوى الحرية والتغيير ومعارضتها حق مشروع، غير أن تفضيل استمرار الحرب والجوع وانهيار الدولة على الحكم المدني يعكس، بحسب تعبيرها، «إفلاساً أخلاقياً وقبحاً غير مسبوق».
واختتمت منشورها بالقول: «مصيبتنا ما بس في العسكر الدمروا البلد.. المصيبة والمأساة في العقول البقت شايفة دمار البلد انتصاراً سياسياً. هنا في هولندا دولة بتختصر المسافات على مواطنيها، وهناك في السودان المواطن بقطع المسافات برجليه عشان يسد غياب الدولة».
التعليقات مغلقة، ولكن تركبكس وبينغبكس مفتوحة.